ཤེས་རབ་བསྐྱེད་པ།
ཤེས་རབ་བསྐྱེད་པ།
རྒྱ་གར་སྐད་དུ། པྲ་ཛྙཱ་བརྡྷ། བོད་སྐད་དུ། ཤེས་རབ་བསྐྱེད་པ། སྐད་ཅིག་གིས་འཇམ་དཔལ་གྱི་རྣལ་འབྱོར་དུ་དམིགས་ལ། ལྟེ་བར་ཟླ་བའི་དཀྱིལ་འཁོར་གྱི་སྟེང་དུ་ཐིག་ལེ་དཀར་པོ་མར་མེ་གསལ་བར་འབར་པ་ལྟ་བུ་འོད་ཟེར་དང་བཅས་པ་རྣམ་པར་བསམས་ཏེ། མགོ་པོ་ལ་ཉམས་པ་མེད་པའི་ཡི་གེ་ཧཾ་དཀར་པོ་མགོ་བོ་ལས་འཛག་པར་གྱུར་པ་འོད་ཟེར་དང་བཅས་པ་བསྒོམ་པར་བྱ་བའོ། །དེའི་རྗེས་སུ་ཐིག་ལེའི་འོད་ཟེར་གྱིས་ལེགས་པར་བསྐུལ་བས་ཁུ་བར་གྱུར་ནས་ཡི་གེ་ཧཾ་གིས་ཐིག་ལེ་ཀུན་ནས་ཁྱབ་པར་གྱུར་པ་ལ་སེམས་བརྟན་པའི་སྔགས་པ་ནི་རིང་པོ་མི་ཐོགས་པར་ཤེས་རབ་མངོན་པར་འཕེལ་བར་འགྱུར་རོ། །ཤེས་རབ་མངོན་པར་བསྐྱེད་པ། ཨ་བྷ་ཡ་ལས་ཚུལ་ཁྲིམས་རྒྱལ་མཚན་གྱིས་བསྒྱུར་པའོ།།
ཤེས་རབ་བསྐྱེད་པ།